Dear,
Nahi, normal nightfall hone se sperm count permanently kam nahi hota. Body continuously naye sperm produce karti rehti hai, isliye occasional ejaculation ya nightfall ko sperm count kam hone ka direct reason nahi maana jata.
Agar nightfall ke saath aapko fertility ko lekar concern hai, to sperm count ka actual assessment semen analysis se hi kiya ja sakta hai. Sperm count par lifestyle, hormonal problems, infections, smoking, alcohol, obesity aur other health factors ka influence ho sakta hai.
Isliye sirf nightfall ki wajah se sperm count kam hone ki tension lene ki zarurat nahi hai. Agar aapki semen report mein koi abnormality hai ya pregnancy conceive karne mein difficulty ho rahi hai, to proper fertility evaluation karwana better rahega.
